चैत १९ ,काठमान्डौ – गत २४ घन्टामा थप १५२ जनामा कोरोना भाइरस (कोभिड-१९) संक्रमण देखिएको छ। यो संगै नेपालमा संक्रमितको संख्या २ लाख ७७ हजार ४६१ पुगेको छ।
मन्त्रालयका अनुसार बिहीबार थप ६५ जना कोरोनामुक्त भएका छन्। यो सहित निको हुनेको संख्या २ लाख ७२ हजार ८५१ पुगेको छ।यस्तै पछिल्लो २४ घन्टामा कोरोनाबाट थप १ जनाको मृत्यु भएको छ।
यो सहित नेपालमा कोरोनाबाट मृत्यु हुनेको संख्या ३ हजार ३१ पुगेको मन्त्रालयले जनाएको छ। ६३ जना क्वारेन्टाइन र १५ सय ७९ आइसोलेसनमा रहेको मन्त्रालयले जनाएको छ।
