जेठ ३० ,रौतहट – रौतहटमा आफ्नै श्रीमानले श्रीमतीलाई एसिड छ्यापेपछि प्रहरीले पक्राउ गरेको छ। चन्द्रपुर नगरपालिका वडा नम्बर ४ की ३८ वर्षीया दीपिका विकलाई श्रीमान दीपकले एसिड छ्यापेका प्रहरीले जनाएको हो ।
दीपकले हिजो श्रीमतीलाई एसिड छ्यापेर फरार रहेका थिए ,उन्लैई प्रहरीले हिजोनै पक्राउ गरिसकेको जिल्ला प्रहरी कार्यालय रौतहटले जनाएको हो।
पीडित दीपिकाको बायाँ हातको पाखुरा, पेट र कम्मरमा एसिड परेको छ । पिडितको एपोलो अस्पताल चन्द्रपुरमा उपचार भइरहेको र अहिले अवस्था सामान्य रहेको प्रहरीले जनाएको छ ।
दीपक विकले चन्द्रपुरमा सुनचाँदी पसल सञ्चालन गर्दै आएका छन् । सरकारले एसिड छ्याप्नेमाथि नयाँ कानून लागू गर्ने बताएको छ।
