असार ८ ,काठमान्डौ – गत पछिल्लो २४ घण्टामा ४ हजार ५२२ जनामा कोरोना भाइरस संक्रमण पुष्टि भएको स्वास्थ्य मन्त्रालयले जनाएको छ ।
स्वास्थ्य तथा जनसंख्या मन्त्रलायाका अनुसार १२ हजार २०४ जनामा गरिएको पीसीआर परीक्षणमा ३ हजार ७०३ र ४ हजार ७०९ जनामा गरिएको एन्टिजेन परीक्षणमा ८१९ जना गरी ४ हजार ५२२ जनामा संक्रमण फेला परेको हो ।
पछिल्लो २४ घन्टामा थप ४ हजार ९५४ जनाले कोरोनालाई जितेर घर फर्कीएका छन् भने ४१ जनाको निधन भएको हो। हाल देशभर सक्रिय संक्रमितको संख्या ५२ हजार ६४८ रहेको मन्त्रालयले जनाएको छ ।
जसमा ४९ हजार ४२५ जना होम आइसोलेसनमा र ३ हजार २२३ जना संस्थागत आइसोलेसनमा रहेका छन् । संक्रमितमध्ये ७६१ जनाको आईसीयू र २१८ जनाको भेन्टिलेटरमा उपचार भइरहेको छ ।
