काठमाडौ – पछिल्लो समय नेपालमा दैनिक जास्तो कोरोना संक्रमण दर बढ्न थालेको छ। पछिल्लो २४ घण्टामा ४ ५७ जनामा कोरोना भाइरसको सङ्क्रमण पुष्टि भएको छ ।
पीसीआर र एन्टिजेन गरी ४ ,६५१ जनामा गरिएको नमुना परीक्षणमा ४५७ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । यस्तै २४ घण्टामा कोरोना सङ्क्रमणका कारण १ जनाको ज्यान गएको छ ।
यही अवधिमा ४८ जना सङ्क्रमित निको भएका छन् । त्यस्तै पछिल्लो २४ घण्टामा ९८ हजार ९ सय जनाले कोरोनाविरुद्धको खोप लगाएका स्वास्थ्य मन्त्रालयले जनाएको छ ।
