टिकापुर – कर्णाली नदीमा जिप खस्दा २ जना बेपत्ता भएका छन् भने सवार ३ जनाको उद्धार गरिएको छ । कैलालीको कर्णाली चिसापानी,सोल्टा सडक खण्डको बाकाबाट जिप कर्णाली नदीमा खसेको प्रहरीले जनाएको छ ।
प्रहरीका अनुसार जिपमा सवार चन्द्रप्रकाश जोशी र रुपी जोशी बेपत्ता भएका छन् । १२ वर्षीया लक्ष्मी जोशी, ४ वर्षीया सावित्री जोशी र ३ वर्षीय भुवन जोशीको भने उद्धार गरिएको हो ।
घटनास्थलमा भेटिएको कागजपत्रमा गाडी नम्बर बा ११ च ९३८ नम्बर लेखिएको पाइएको प्रहरीले जनाएको छ । वेपत्ता हरुको खोजि कार्य भईरहेको पनि प्रहरीले जनाएको हो।
