कार्तिक ३०,काठमाडौँ – गत २४ घन्टामा नेपालभरीबाट थप ३३९ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार ६ हजार ५०५ पीसीआर परीक्षणमा ३३९ जनामा कोरोना संक्रमण देखिएको जनाएको छ ।
यो सँगै नेपालमा कोरोना भाइरसबाट संक्रमित हुनेको संख्या ८ लाख १७ हजार ६७२ पुगेको छ । यस्तै एन्टिजेन विधिबाट २ हजार ६४४ परीक्षण हुँदा ३८ जनामा पोजिटिभ देखिएको छ ।
पीसीआर र एन्टिजेन गरी ९ हजार १४९ परीक्षण हुँदा ३७७ मा कोरोना पुष्टि भएको मन्त्रालयले जनाएको हो । पछिल्लो २४ घण्टामा १७० जना निको भएर घर फर्केका छन् ।
हालसम्म निको हुनेको संख्या ७ लाख ९८ हजार ७१४ रहेको छ । नेपालमा कोरोना संक्रमणबाट थप ४ जनाको मृत्यु भएको छ । यो संगै कोरोनाबाट मृत्यु हुनेको संख्या ११ हजार ४८२ पुगेको छ ।हाल देशभर सक्रिय संक्रमितको संख्या ७ हजार ४७६ रहेको छ ।
