रोल्पा – रोल्पाको घर्तीगाउँमा बस दुर्घटना हुँदा ४ जनाको मृत्यु भएको छ भने १७ जना घाईते भएका छन्। दाङको घोराहीबाट रोल्पाको थबाङका लागि छुटेको बस माडी गाउँपालिकाको तालाबाङस्थित तार्केबाङ सडकबाट बेलुकी करिब ६ बजेतिर खसेको प्रहरीले जनाएको छ ।
प्रहरीका अनुसार घोराहीबाट बिहान हिँडेको ना ३ ख ५५१८ नम्बरको बस बेलुकी ५ बजेर ४० मिनेट जाँदा तार्केबाङस्थित सहिद मार्गबाट करिब १ सय फिट तल माडीखोलामा खसेको हो ।
दुर्घटनामा ४ जनाको मृत्यु भएको जिल्ला प्रहरी कार्यालय रोल्पाले जनाएको छ। मृत्यु हुनेमा ३ पुरुष र १ महिला छन् । उनीहरुको पहिचान हुन बाँकी रहेको प्रहरी नायब उपरीक्षक नरेशराज सुवेदीले बताए ।
दुर्घटनामा परेर १७ जना यात्रु घाइते छन्, जसमा ३ जनालाई जिल्ला अस्पताल रोल्पामा लागिएको छ भने छ भने अन्यलाई घर्तीगाउँस्थित स्वास्थ्य संस्थामा उपचार गरिएको छ । दुर्घटना स्थलमा अहिले प्रहरी र स्थानि उद्दारमा लागेका छन्।
मृतकमध्ये दुई जनाको शव चेपिएको अवस्थामा देखिएको । जेसीभीको सहयोगले अन्यको खोजी गर्न थालिएको पनि प्रहरीले जनाएको छ। चालकको पत्ता लागेको छैन भने दुर्घटनाको कारण पनि पत्ता नलागेको र अनुसन्धान गरिरहीको प्रहरीले जनाएको छ।
