पुष ७ , पोखरा – ओछ्यानमा पिसाब गरेको भन्दै ५ वर्षीय बालकको लिंगमा रबरले बाँधेर सजाय दिने पोखराको एक होस्टल वार्डेन पक्राउ परेकी छन् ।
पोखरा महानगरपालिका–१५ स्थित न्यू लाइफ होस्टलकी वार्डेन २७ वर्षीया जानुका नेपालीलाई प्रहरीले पक्राउ गरेको हो।
वार्डेनमा बालबालिकाको हेरचाह गर्न बसेकी उनले राति ओछ्यानमा पिसाब गरेको भन्दै सोमबार बिहान बालकको लिंगमा रबरले बाँधिदिएकी थिइन् ।
ती बालक डोल्पाका रेमन बुढा हुन उनी नजिकैको सिद्ध स्कुलमा नर्सरीमा अध्यन गर्ने गरेको जिल्ला प्रहरी कार्यलय कास्की ले जनाएको छ। बालकको अहिले स्वास्थ्य परिक्षण भैइरहेको पनि प्रहरीले जनाएको छ ।
पक्राउ परेकी नेपालीविरुद्ध बालबालिकाविरुद्धको कसुर मुद्दामा जिल्ला अदालत कास्कीबाट पाँच दिनको म्याद थप गरेर अनुसन्धान प्रक्रिया अघि बढाइएको जिल्ला प्रहरी कार्यालय कास्कीका प्रहरी निरीक्षक दीपक केसीले बताए ।
हिमालयन गुडलाइफ, काठमाडौंद्वारा सञ्चालित उक्त होस्टलमा अभिभावक नभएका विद्यार्थी बस्दै आएका छन् । उक्त होस्टलमा अहिले ९ जनाले आश्रय लिइरहेको पाईएको छ ।
घटना बाहिरिन नदिन होस्टल कर्मचारी र स्कुलबीच गोप्य सम्झौता पनि भएको थियो ।हिमालयन गुडलाइफ, काठमाडौंद्वारा सञ्चालित भनीएको र पोखरामा दर्ता नभएको प्रहरीले जनाएको छ ।
होस्टेल राहुल नेपालीले संचालन गरेका छन घटना बाहिरीपछि होस्टेल संचालक लगायतले गोप्य सम्झौता समेत गरेको खुलेको छ । प्रहरीले घटनाको बारेमा अनुसंधान गरिरहेको जनाएको छ।
