काठमान्डौ – सत्तारूढ नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले एमसिसी प्रक्रियाबाट टुंगिने बताएका छन्। सोमबार सिंहदरबारस्थित माओवादी केन्द्रको संसदीय दलको कार्यालयमा प्रचण्डलाई भेट्न गएका नेपाली कांग्रेसका वरिष्ठ नेता रामचन्द्र पौडेलसँगको भेटपछि सञ्चारकर्मीसँग बोल्दै प्रचण्डले गठबन्धन नटुट्ने र एमसिसी प्रक्रियाबाट टुंगिने बताएका हुन्।
उहाँले अरू कुरा होइन, यो गठबन्धन पनि बचाउनु पर्छ। एमसिसी पनि समस्या समाधान हुनुपर्यो भन्ने लाइनबाट भन्नुभएको थियो। मैले गठबन्धन बच्छ, एमसिसी त अब प्रक्रियाबाट टुंगिन्छ,’ प्रचण्डले भने। नेता पौडेलले प्रचण्डसंगको भेट पछि आजै जनता समाजवादी पार्टीका अध्यक्ष उपेन्द्र यादवसँग समसामयिक राजनीतिक परिस्थितिको विषयमा छलफल गरेका छन्।
