काठमान्डौ – नेकपा माओवादी केन्द्रका अध्यक्ष पुष्षकमल दाहाल प्रचण्डले पत्रकार सम्मेलन गर्ने भएका छन्।
एमसिसी पास भएपछि पहिलोपटक उनले आफ्नै निवास खुमलटारमा पत्रकाहरूलाई भेटघाटमा बोलाएका हुन्।
पछिल्लोपटक विकसित राजनीतिक घटनाक्रमबारे प्रचण्डले दिउँसो ३ बजे पत्रकार सम्मेलन गर्दै छन।
पछिल्लो समय एमसिसी पास गर्न प्रचण्डले देखाएको द्वैध चरित्रको आलोचना गर्दै पार्टीका नेताहरूले सरकार छोड्न बताएका छन भने जिल्ला गाउँबाट माओवादी कार्यकर्ताले पार्टी छोडेको घोषणा गरेका छन।
प्रचण्डले प्रधानमन्त्री शेरबहादुर देउवासँगै एमसिसी पास गर्ने प्रतिबद्धतासहित अमेरिकालाई पठाएको पत्र सार्वजनिक भएको थियो। तर नेकपा माओवादी केन्द्रले संसदीय दलको बैठकमार्फत् एमसिसीको विपक्षमा उभिने निर्णय गरेको थियो।
माओवादी केन्द्रले एमसिसीको विरोधमा सडक आन्दोलन समेत गरेपनि अन्तमा हिजो संसदबाट एमसिसी अनुमोदन गरेको छ।प्रतिनिधि सभाको बैठकले व्याख्यात्मक टिप्पणीसहित एमसिसी पारित गरेको थियो।
नेपाली कांग्रेसले माओवादी एमसिसीको पक्षमा नउभिए नेकपा एमालेसँग गठबन्धन गर्ने बताएपछि प्रचण्ड देउवासँगै एमसिसी पास गर्ने पक्षमा उभिएका थिए।आइतबार एमसिसी पारित गर्न राखिएको प्रतिनिधि सभा बैठकअघि प्रचण्डले संसदीय दलबाट एमसिसी अनुमोदनको निर्णय गराएका थिए।
