काठमान्डौ – नेकपा माओवादी केन्द्रका अध्यक्ष प्रचण्ड आज अचनाक भारत प्रस्थान गर्दै छन।
अध्यक्ष प्रचण्ड भारतीय जनता पार्टी (भाजपा)का अध्यक्ष जेपी नाड्डाको निमन्त्रणमा भारत जान लागेको उनको सचिवालयले जनाएको छ।
तीन दिने भ्रमण सकेर प्रचण्ड १ साउन आइतबार स्वदेश फर्किने कार्यक्रम रहेको छ। भ्रमणका बेला अध्यक्ष प्रचण्डले को को संग भेट्नेछन भन्ने भने जानकारी छैन।
उत्तरी छिमेकी चीनको सत्तारुढ चिनियाँ कम्युनिस्ट पार्टीका विदेश विभाग प्रमुख लिउ लियानचाओ चार दिने भ्रमण सकेर भर्खर फर्किएका बेला प्रचण्ड भारत भ्रमण गर्दै छन।
करिव डेढ महिना पहिले नेपालका लागि तत्कालिन भारतीय राजदूत विनय मोहन क्वात्राले अध्यक्ष प्रचण्डलाई भारतको तर्फबाट उपयुक्त समयमा भ्रमणको निम्तो दिएका थिए ।
