काठमाडौं- राष्ट्रपति रामचन्द्र पौडेल आज गोरखा जाँदैछन् । उनी आज बिहान ९ः३० बजे गोरखा जाने र दरबार क्षेत्र अवलोकन गर्ने कार्यक्रम रहेको छ। राष्ट्रपति पौडेल सेनाको हेलिकोप्ट चढेर गोरखा जान लागेका हुन्।
उनको आगमनलाई लक्षित गरी जिल्लाको सुरक्षा व्यवस्था चुस्त बनाइएको छ । सर्वसाधारण प्रभावित नहुने गरी यातायात तथा सुरक्षा प्रबन्ध मिलाइएको प्रमुख जिल्ला अधिकारी दिनेशसागर भुसालले जानकारी दिए । राष्ट्रपति बनेपछि उनी पहिलो पटक काठमाडौं बाहिर जान लागेका हुन् ।
पौडेलले आफू राष्ट्रपति भएपछि सर्वसाधारण प्रभावित नहुने गरि यात्रा गर्ने बताएका थिए। यसअघि राष्ट्रपति पौडेल साधारण तरिकाले काठमाडौंको बसन्तपुर दरबारमा जाँदा उनको प्रशंसा भएको थियो ।चैत १२
