रौतहट – होहल्ला गरेको आरोपमा प्रहरीले डेढ दर्जन टिकटक स्टारलाई पक्राउ गरेको छ।
जिल्ला प्रहरी कार्यालय रौतहटका प्रमुख महेन्द्र कुमार श्रेष्ठका अनुसार सिया पैलेस होटेलमा मदिरा सेवन गरि होहल्ला तथा अभद्र व्यवहार गरेको आरोपमा टिकटकहरु स्टार पक्राउ परेका हुन् ।
पक्राउ पर्नेमा गरुडा नगरपालिका वडा नम्बर १ जयनगरका राज कुमार साह सहितका टिकटक स्टार रहेका छन ।
सिया पैलेस होटलमा बसेका महिला डाक्टरको कोठा ढक्कयाई खोल्न लगाउने तथा अभद्र व्यबहार गरेको आरोपमा उनिहरुलाई नियन्त्रणमा लिएको हो।
बिहिवार राति १२ बजे सम्म तलको हलमा अश्लील नृत्य तथा होहल्ला भई रहेको सुचना स्थानिय प्रशासनले पाएपछि प्रहरी पुगेका थिए । प्रहरी पुग्न साथ अन्दाजी डेढ सय भन्दा बडिको संख्यामा रहेका दर्शक भागेका थिए ।
पक्राउ परेकाहरु बारे थप अनुसन्धान भइरहेको प्रहरी उपरीक्षक श्रेष्ठले बताए।
