रुकुम पश्चिम्- रुकुम पश्चिमको सदरमुकाम मुसिकोटमा रहेको होटेल सत्कारमा एक महिलाको शव फेला परेको छ ।
मुसिकोट नगरपालिका १ खलंगा बजारमा रहेको होटेल सत्कारमा एक महिला मृत अवस्था भेटिएको जिल्ला प्रहरी कार्यालय रुकुम पश्चिमले जनाएको छ ।
मृतकको पहिचान भने खुलेको छैन । होटेलको कोठा नम्बर १ मा महिलाको शव भेटिएको हो ।
प्रहरीका अनुसार त्रिवेणी गाउँपालिका ठेगाना भएका विकास केसीको नामबाट गत आइतबार होटेलको कोठा बुक भएको देखिन्छ । प्रहरीले घटनाको अनुसंधान गरिरहेको जनाएको छ।
