पाल्पा – आज पाल्पामा जिप दुर्घटना हुँदा छ जनाको घटनास्थलमै मृत्यु भएको छ । पाल्पाको रानीमहलनजिकै आइतबार बागमती प्रदेश ०१- ०२६ च ७२०९ नम्बरको जिप दुर्घटना हुँदा ६ जनाको मृत्यु भएको जिल्ला प्रहरी कार्यलय पाल्पाले जानकारी दिएको छ ।
दुर्घटनामा परी अन्य ६ जना घाइते भएका छन् । घाइतेलाई उद्धार गरी उपचारका लागि अस्पताल लगिएको छ । तानसेन नगरपालिकाअन्तर्गतको बैकुण्ठे भीरमा उक्त जिप दुर्घटनामा परेको हो ।
दुर्घटनामा परेको जिप सडकबाट करिब ७० मिटर तल खसेको प्रहरीले जानकारी दिएको छ । घटनाको प्रहरीले अनुसंधान गरिरहेको छ।
