कार्तिक १६ , काठमाण्डौ – चलचित्र बुलबुलको गीत रिलिज भयको छ । यो चलचित्रको गीत भने अलि फरक शैलीमा रिलिज गरियको छ । गीत सार्वजनिक गर्नका लागि देशका विभिन्न ५ शहरमा डान्सहरु तयार भएका थिए । काठमाण्डौको काठमाण्डौ मलमा भने नायिका स्वस्तिमा खड्का, कलाकार मुकुन भुषाल र ४० भन्दा बढी डान्सहरुले नृत्य गरेका थिए ।
‘खुद्रा खुद्री माया’ बोलको गीतमा उनीहरुले प्रस्तुति दिएका छन् चलचित्रमा विनोद पौडेलको निर्देशन, अविरल थापाको निर्माण छ । चलचित्रमा नायिका स्वस्तिमा खड्का टेम्पो ड्राइभर महिलाको भूमिकामा देखिएकी छिन् । कार्यक्रममा नायिका स्वस्तिमा खड्कासँग सेल्फी लिनका लागि फ्यानहरुको भीड पनि लागेको थियो । यस्तो शैलीमा प्रचार गर्दा दर्शकको ध्यान तान्न सकिने वुझाई निर्माणपक्षको छ । चलचित्र फागुन ३ गते बाट रिलिज मिति तोकियको छ ।
