suekhet
bheriad

प्रमोद खरेल बने डीपीएलको गुडविल एम्बास्डर ,,

lekabesi

११ चैत,, कैलाली – गायक प्रमोद खरेल नेपालकै सर्वाधिक राशीको धनगढी प्रिमियर लिग (डीपीएल)को गुडविल एम्बास्डरमा घोषित भएका छन् । डीपीएलले आयोजना गरेको धनगढी क्रिकेट एकेडेमीले गायक खरेललाई डीपीएलको गुडविल एम्बास्डरमा नियुक्त गरेको जानकारी दिएको छ ।

प्रमोद खरेलले डीपीएलको उदघाटन समारोहमा विशेष प्रस्तुति दिने एकेडेमीका अध्यक्ष सुवास शाहीले बताए । गायक खरेलको डीपीएलको शीर्ष गीतमा समेत स्वर रहने छ ।डीपीएलको दोस्रो संस्करण यहि चैत १७ गतेदेखि धनगढीको संघीय प्रहरी इकाइ कार्यालयको खेल मैदानमा सुरु हुँदैछ ।

टी-२० क्रिकेट प्रतियोगितामा दोस्रो संस्करण मा बिभिन्न ६ शहरहरुबाट उत्कृष्ट टिमले सहभागिता जनाउने छन् । साथै सहभागी शहरहरु मध्ये काठमाडौं गोल्डन्स, महेन्द्रनगर युनाइटेड, विराटनगर किंग्स, रुपेन्देही च्यालेन्जर्स, सीवाईसी अत्तरिया र टीम चौराहा धनगढीले प्रतियोगितामा भाग लिनेछन् ।

प्रतियोगिताको पहिलो दिन साविक विजेता टिम चौराहा धनगढी र काठमाडौं गोल्डेनबीच प्रतिस्पर्धा हुनेछ ।प्रतियोगिताको उपाधि विजेताले २५ लाख नगद तथा उपविजेताले १० लाख नगद पाउनेछन् । तेस्रो हुनेले ३ लाख र चौथो हुनेले २ लाख नगद पुरस्कार प्राप्त गर्ने छ।