चैत २८ ,काठमान्डौ – नेकपा माओवादी केन्द्रका अध्यक्ष पुष्पकमल दाहालले केही दिनमा प्रतिगमनकारि केपी ओलीको सरकार ढल्ने र नयाँ सरकार बन्ने बताएका छन्।
शनिबार नेपाल राष्ट्रिय कर्मचारी संगठनको परिषद् बैठकलाई सम्बोधन गर्दै प्रचण्डले कुनै आन्दोलन नगर्ने र जनतालाई दुख नदिएर नै कालो बादललाई हटाउन लागेको बताएका हुन् ।
केपी ओलीले अहिले जबरजस्ती राज्यसत्ता कब्जा गगरेका छन्, परिस्थिति असहज भएको र संविधान नै धरापमा पर्ने स्थिति आएकाले सजग हुनुपर्नेमा पनि दाहालले जोड दिए ।
संसदीय दलको बहुमतले हस्ताक्षर गरेर केपी ओलीलाई दलको नेताबाट हटाएको थियो। संसद सचिवालयमा दर्ता गरिएको थियो। यो वैधानिक थियो,’ दाहालले भने, ‘तर, सरकारले सेटिङमार्फत आधिकारिकलाई खारेज गरिदियो।
जे अवैधानिक र छलछाम छ त्यसलाई कायम गरिदियो।हटाइसकेको प्रधानमन्त्री र पार्टी अध्यक्षलाई फेरि कायम राखिएको प्रचण्डले बताए।
कर्मचारीलाई आतंकमा बाँच्न बाध्य पारिएको छ ,सबै राज्यका अंगलाई सन्त्रासमा राखेर जबस्जस्ती कब्जा जमाउने षड्यन्त्र गरिएको छ। नयाँ सरकार बनेपछि महँगी घटाई कर्मचारीलाई साथ र सहयोग गर्ने पनि दाहालले प्रतिबद्धता गरे ।
