वैशाख २३ ,काठमान्डौ – बरिष्ठ गायक तथा संगीतकार प्रेमध्वज प्रधानको निधन भएको छ। काठमाडौंको सुन्धारास्थित न्युरो अस्पतालमा उपचारको क्रमा बिहीबार करिब १ : ४५ मा निधन भएको पारिवारिक स्रोतले जनाएको छ हो।
सास फेर्न गाह्रो भएपछि र छातिमा सामान्य इन्फेक्शन भएपछि उनलाई बिहान अस्पताल पुर्याइएको थियो । विसं.१९९४ सालमा सिन्धुपाल्चोक जिल्लाको चौतारामा बुबा रत्नध्वज प्रधान र आमा प्राणदेवी प्रधानको कोखबाट उनको जन्म भएको हो ।
८५ वर्षीय प्रधानको सांगीतिक यात्रा घरबाटै सुरु भएको थियो ,२००९ सालमा रेडियो नेपालमा स्वर परीक्षा दिएर ‘क’ श्रेणीमा पास भएपछि उनको औपचारिक संगीत यात्रा सुरु भएको हो।
घुम्तीमा नआउ है’, ‘अधेरिको जुन ,तिमीलाई अचेल कहाँ देखुँ’, ‘गोरेँटो यो गाउँको’, ‘पर लैजाउ फुलहरू’ जस्ता थुप्रै हिट गीत अहिले पनि धेरै सुनिने गरिन्छ ।तेस्तै उनले नेपाली माइतीघर, जीवनरेखा, मायालु, बद्लिदो आकाश, जीवन संघर्षलगायत सिनेमामा समेत गीत गाएका छन्।
