असार ५ काठमान्डौ – गत २४ घन्टामा थप २४ सय १ जनामा कोरोना संक्रमण फेला परेको छ। स्वास्थ्य तथा जनसंख्या मन्त्रालयका अनुसार ७,०१० पीसीआर परीक्षणमा १ हजार ६८८ र ४,६८६ एन्टिजेन परीक्षणमा ७१३ जनामा कोरोना संक्रमण पुष्टि भएको हो ।
२४ घण्टामा ३ हजार ६६० जना कोरोना संक्रमणमुक्त भएका छन् । यो संगै नेपालमा कोरोना संक्रमणको कूल संख्या ६ लाख १९ हजार ६३५ पुगेको छ भने निको हुनेको संख्या ५ लाख ५३ हजार ३४२ पुगेको छ ।
पछिल्लो २४ घन्टामा थप ३४ जनाको मृत्यु भएपछि कूल मृतकको संख्या ८ हजार ६७५ पुगेको मन्त्रालयको तथ्यांक छ । देशभरमा सक्रिय संक्रमितको संख्या ५७ हजार ६१८ रहेको छ। यस्तै हाल क्वारेन्टाइनमा भने ४४१ जना रहेका छन् ।
