असार २२ ,काठमान्डौ – चितवनको राप्ती नगरपालिका,३ कि मृतक सुजिता भण्डारीको मोबाइल फोन भेटिएको छ । उनको शव भेटिएको नजिकै बिना सिम कार्डको मोबाईल भेटिएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले बताए।
मोबाईलमा सिम कार्ड छैन ,मेमोरी कार्ड छ आज दिउँसो पौने २ बजेतिर मोबाइल भेटिएको हो। शव फेला परेको स्थानभन्दा करिब २० मिटर पर मोबाइल फेलापरेको हो ।
अब हामि चप्पल खोजिरहेका छौ जसले हामिलाई घटना कुन स्थान र कँहानिर भएको हो भन्ने पत्ता लगाउन सकिन्छ उनले भने। मृतक सुजिताको शव नजिकै ‘विषको बोतल, पैसा, मोबाइल, झोला, पनि प्रहरीले फेला पारेको थियो।
गत असार ११ गते हराईरहेकि सुजिता गत आईतबार ब्रह्मस्थानी सामुदायिक वनमा मृत अवस्थामा फेला परेकी थिइन्। उनको शव पूर्ण रुपमा सडेको थियो ,कपडाको आधारमा प्रहरीले शव पहिचान गरेको थियो।
हराएको सोहि दिन सुजिताले आफु अपहरणमा परेको परिवारलाई बताएकि थिइन्। लगतै प्रहरीलाई जानकारी गरिएको थियो तर उनको शव मृत अवस्थामा फेला परेको थियो।
कल डिटेलको आधारमा पनि प्रहरीले घटनाको अनुसन्धन गरिरहेको छ। घटनाको अनुसन्धानमा प्रहरीको केन्द्रीय अनुसन्धान ब्युरो र चितवन प्रहरी लागिपरेको छ।
