साउन १३, झापा – झापामा नेपाली कांग्रेस र माओवादी केन्द्र परित्याग गरि एउटा गाउँ नै नेकपा एमालेमा प्रवेश गरेकाे छ । एमाले अध्यक्ष केपी शर्मा ओलीको गृह जिल्ला स्थित झापा गाउँपालिकामा एउटा गाउँनै एमालेमा प्रवेश गरेकाे हाे ।
नेपाली कांग्रेसले तिसौ वर्ष मुलुकमा शासन गर्दा समेत कुनै परिवर्तन नभएको र प्रधानमन्त्री केपी शर्मा ओलीले तीन वर्षमै मुलुकको कायां पलट गरेको भन्दै झापा गाउँपालिका-२ स्थित वालुवाटारमा वसोवास गर्ने दुई सयभन्दा बढी स्थानीय नेकपा एमालेमा प्रवेश गरेको झापा गाउँपालिका कमिटी अध्यक्ष गजेन्द्र ताम्लीले बताए।
सो गाउँका स्थानीय डिल्ली हेमरम र भैयालाल माझीको नेतृत्वमा ५० घरपरिवारबाट करिव दुइ सय जनाभन्दा बढी एमालेमा प्रवेश गरेका छन्।
अहिले केन्द्र देखि प्रदेश स्थानिय सम्म एमालेमा आन्तरिक विवाद छ तर पनि माओवादी र काङ्ग्रेस परित्याग गरि उनिहरु एमालेमा प्रवेश गरेका हुन ।
निवर्तमान प्रधानमन्त्री केपि ओली नेतृत्वमा देशमा विकास र समृद्धिको सुरुवात भएको भन्दै राष्ट्रियता र विकासको मुद्दा मन परेर आफुहरू एमालेमा प्रवेश गरेको स्थानीय डिल्ली हेमरम र भैयालाल माझीले बताए ।
