रुकुम पश्चिम – रुकुममा एक महिनादेखि बेपत्ता एक युवकको मृत अवस्थामा फेला परेका छन्। मुसीकोट नगरपालिका,१०, गलमपाटीका ३३ वर्षीय रणबहादुर रोकाको शव सोमबार आफन्तले भेटाएका छन्। उनि गत कात्तिक ९ गते घरबाट हराएका थिए। उनको शव सोमबार बिहान १० बजे भेटिएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक डेकेन्द्र शर्माका अनुसार सोही वडाको ग्वाला बस्ने भीरमा सडेको अवस्थामा उनको शव भेटिएको हो । परिवार तथा आफन्तले उनको खोजि गरिरहेका थिए । घटनाको बारे थप अनुसन्धान भईरहेको शर्माले बताए।
