मंसिर २८,काठमाण्डाै – नेपाली कांग्रेसका नेता प्रकाशमान सिंहले सभापतिको लागि शेरबहादुर देउवालाई समर्थन गर्ने भएका छन ।
पार्टी नेतृत्वका लागि दोस्रो चरणको चुनाव हुने भए पछि बिहान सिंहलाई भेट्न सभापति देउवा उनकै निवास चाक्सीबारीमा पुगेका थिए ।छलफलमा सिंहले देउवालाई समर्थन गर्ने बताएका थिए ।
१४ औँ महाधिवेशनका सभापतिका उम्मेदवार सिंह ३ सय ७१ मत पाउँदै तेस्रो स्थानमा रहेका छन। अब कांग्रेसको नयाँ नेतृत्वका लागि शेरबहादुर देउवा र शेखर कोइरालाबीच दोस्रो चरणको चुनाव हुनेछ ।
