काठमान्डौ – गत २४ घन्टामा नेपालमा थप १० हजार ७०३ जनामा कोरोना संक्रमण पुष्टि भएको छ ।१८ हजार ६१८ जनाको पीसीआर परीक्षण गर्दा ८ हजार ८१५ तथा ४ हजार ४७४ जनाको एन्टीजेन परीक्षण गर्दा १ हजार ८८८ जना गरी १० हजार ७०३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ।
पछिल्लो २४ घन्टामा ७६६ जना निको भएर डिस्चार्ज भएका छन् भने ३ जनाको मृत्यु भएको छ। आज थपिएका संक्रमितसंगै नेपालमा कोरोना संक्रमितको कुल संख्या १० लाख ६ हजार ५९१ पुगेको छ । यस्तै हाल देशभर सक्रिय संक्रमितको संख्या ६५ हजार ३७४ जना रहेका छन् ।
