काठमान्डौ – गत २४ घन्टामा नेपालभरीबाट थप १२ हजार ८ जना कोरोना भाईरसका संक्रमित थपिएका छन् ।
स्वास्थ्य मन्त्रालयका अनुसार १८ हजारर १०३ नमुनाको पीसीआर परीक्षण गर्दा नौ हजार ४३२ र सात हजार ८०६ नमुनाको एन्टिजेन परीक्षण गर्दा दुई हजार ५७६ जनामा कोरोना संक्रमण पुष्टि भएको हो ।
आज थपिएका कोरोना संक्रमितपछि कुल संक्रमितको संख्या ९ लाख २७ हजार ८ सय ८० पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज ३ हजार ४० जना संक्रमणमुक्त भएका छन् भने ८ जनाको मृत्युु भएको छ। हालसम्म ८ लाख २७ हजार २ सय ७९ जना संक्रमणमुक्त भएका छन् । हाल देशभरमा ८८ हजार ९३४ सक्रिय संक्रमित छन् ।
