काठमान्डौ – नेपालमा हिजो देखि केही दिनको तुलनामा कोरोनाका बोरामी घट्ने क्रम देखीएको छ। पछिल्लो २४ घण्टामा थप ६ हजार ८२७ जनामा कोरोना पोजेटिभ पुष्टि भएको हो।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा गरेको १९ हजार ८ सय ६९ जनाको परीक्षणबाट उक्त संख्यामा संक्रमित फेला परेका हुन्।
मन्त्रालयका अनुसार ४८०७ पिसिआर परीक्षणबाट र २०२० एन्टिजेन परीक्षणबाट संक्रमण पुष्टि भएको छ ।
पछिल्लो २४ घन्टामा ५४३२ जना कोरोना संक्रमित निको भएका छन् भने सोहि अवधिमा १० जना कोरोना संक्रमितले ज्यान गुमाएका छन्।
हाल देशभर ८९ हजार ९४१ जना कोरोनाका सक्रिय संक्रमित छन्। पछिल्लो २४ घन्टामा काठमाडौं उपत्यकामा २ हजार ९ सय ४० जना संक्रमित रहेको मन्त्रालयले जनाएको छ।
