काठमान्डौ – बालुवाटारमा नेपाली कांग्रेस र एमाले नेताहरूबीच वार्ता सुरू भएको छ। बिहीबार दिउँसो संसद भवन नयाँ बानेश्वरमा छलफलपछि साँझ फेरि कुराकानी गर्ने सहमति भएको थियो।
भेटमा कांग्रेसतर्फबाट शेरबहादुर देउवा, उपसभापति पूर्णबहादुर खड्का, महामन्त्री गगन थापा, सञ्चार तथा सूचना प्रविधि मन्त्री ज्ञानेन्द्रबहादुर कार्की सहभागी छन् भने एमाले तर्फबाट एमाले अध्यक्षसहित वरिष्ठ उपाध्यक्ष ईश्वर पोखरेल र उपाध्यक्षद्वय विष्णु पौडेल र सुवास नेम्वाङ सहभागी रहेका छन्।
प्रतिनिधि सभाको आजको बैठक स्थगित भएपछि प्रधानमन्त्री शेरबहादुर देउवा र प्रमुख प्रतिपक्षी नेकपा (एमाले) का अध्यक्ष केपी शर्मा ओलीबीच छलफल भएको थियो। प्रतिनिधिसभा बैठक भोलि बोलाईएको छ।
