काठमाडौं- अर्थमन्त्री जनार्दन शर्माले किसानहरू हेपिएर देश बन्न नसक्ने बताएका छन् । आज आइतवार नेपाल कृषि मेशिनरी व्यवसायी सङ्घको छैटौँ वार्षिक साधारण सभालाई सम्बोधन गर्दै अर्थमन्त्री शर्माले कृषि क्षेत्रलाई माया र सम्मान गर्नुपर्ने बताएका हुन् । उनले किसानहरु हेपिने र दुखेसो गर्ने अवस्था आएमा देशलाई खाद्यवस्तुमा आत्मनिर्भर बनाउन नसकिने बताए।
यस्स्तई मन्त्री शर्माले किसानलाई सम्मान र आदर गर्ने संस्कार बसाल्नुपर्नेमा जोड दिनुपर्ने बताए । स्शार्माले भने आज देशको समस्या भनेकै खाद्यको समस्या हो। कृषि क्षेत्रलाई माया पनि गर्नुपर्याे । सम्मान पनि गर्नुपर्याे ।
किसानहरू हेपिएर देश बन्दैन । हामीसँग हामीलाई पुग्न सक्ने, धान उत्पादन गर्न सक्ने खेतहरू छन् । तरकारी उत्पादन गर्ने बारीहरू छन् । हामीसँग कमी छैन । जनशक्तिको समस्या हामीलाई होइन । एउटा राष्ट्रिय सङ्कल्पको अभाव हाे, नीतिको अभाव हाे, त्यो खालको कार्यक्रमको अभाव हो । किसानहरूलाई प्रोत्साहित गर्ने, सम्मान गर्ने, आदर गर्ने संस्कारको अभाव हो । अब कृषि क्षेत्रलाई प्रवर्द्धन गर्नुपर्छ । उत्पादन र उत्पादकत्व वृद्धि गर्नुपर्छ ।
अर्थमन्त्री शर्माले नेपालमा आवश्यक कृषि मेशिनरी यहीँ उत्पादन गर्नुपर्ने पनि बताए । कृषि मेशिनरी उद्योग खोल्न आग्रह गर्दै उनले आवश्यक कच्चा पदार्थहरूमा पर्याप्त भन्सार छुट दिइने पनि बताए।
