बैशाख १७ ,काठमान्डौ – नेपालमा पछील्लो समय कोरोना संक्रमितसंगै कोरोनाबाट मर्नेको संख्यापनि बढेको छ। गत २४ घन्टामा नेपालमा थप ५,७२७ जनामा कोरोना भाइरस संक्रमण पुष्टि भएको छ भने नेपालका विभिन्न जिलामा गरि ३३ को मृ:त्यु भएको छ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको १५ हजार ३ सय ९१ पीसीआर परीक्षणबाट माथिको कोरोना संक्रमित फेला परेका हुन्।
यो संगै नेपालमा कोरोना संक्रमितको संख्या ३ लाख २३ हजार १ सय ८७ पुगेको छ । यस्तै २४ घण्टामा ९ सय २८ जना डिस्चार्ज भएका छन् ,यो पछि निको हुनेको संख्या २ लाख ८१ हजार ९५ पुगेको हो ।
आज थप ३३ जनाको मृ:त्यु भएपछि नेपालमा कोरोनाबाट मर्नेको संख्या ३ हजार २ सय ७९ पुगेको छ । हालसम्म आइसोलेसनमा ३८ हजार ८ सय १३ र क्वारेन्टाइनमा ५५ जना रहेको स्वास्थ्य मन्त्रालयले जनाएको छ ।
