जेठ १२ ,काठमान्डौ – गत २४ घन्टामा नेपालका विभिन्न ठाँउमा गरिएका परीक्षणमा ६ हजार ७१४ जनामा कोरोना संक्रमण फेला परेको छ।
मूलुकभरबाट १९ हजार ३० नमूना परीक्षण गर्दा सो संख्या देखिएको स्वस्थ्य मन्त्रालयले जनाएको हो। पछिल्लो २४ घन्टामा ६ हजार ७१६ कोरोनामुक्त भएका छन्।
यो संगै कोरोनालाई जित्नेको संख्या ४ लाख ११ हजार ६०३ पुगेको छ। पछिल्लो २४ घन्टामा कोरोना संक्रमणबाट १४५ जनाले ज्यान गुमाएका छन।
यो पछि कोरोनाबाट ज्यान गुमाउनेको संख्या ६ हजार ८४५ पुगेको छ। यस्तै हाल देशभर १ लाख १७ हजार ७७ जना सक्रिय संक्रमित छन्। हाल ८४३ जना क्वारेन्टाइनमा रहेको मन्त्रालयले जनाएको छ।
