असार १६ ,काठमान्डौ- नायक पल शाह ‘रियल हिरो अफ दि इयर’बाट सम्मान भएका छन् । रजतपट कोशेली अभियान अन्तर्गत उनलाई बुधबार यो सम्मानबाट सम्मानित गरिएको हो ।
कोरोना महामारीको समयमा समस्यामा परेका चलचित्रकर्मीहरुलाई सहयोग गर्ने उद्देश्यले ‘रजतपट कोशेली अभियान’ सुरु गरिएको थियो ।
उक्त अभियान अन्तर्गत पललाई सामाजिक सेवामा उत्कृष्ट काम गरेको भन्दै ‘रियल हिरो अफ दि इयर’बाट सम्मानित गरिएको हो । सम्मान ग्रहण गरेपछि नायक शाहले खुशी व्यक्त गर्दै आगामी दिनमा पनि सामाजिक कामलाई निरन्तरता दिने बताए ।
उनलाई ७ केजीको माला र सम्मान पत्रबाट सम्मानित गरियो । नायक शाहले यो सम्मानले आगामी दिनमा पनि आफूलाई सामाजिक काममा लाग्नका लागि प्रेरणा दिएको बताए । उनले पछिल्लो समय देशका विभिन्न जिल्लामा पुगेर समस्यामा परेका नागरिकलाई सहयोग गर्दै आईरहेका छन्।
