साउन ११,काठमान्डौ – काठमाडौबाट धनगढीका लागि उडान भरेको बुद्ध एयरको जहाज काठमान्डौमा अवतरण गराईएको छ ।
उडानकै क्रममा जहाजको हाइड्रोलिकमा समस्या आएपछि जहाजलाई त्रिभुवन अन्तर्राष्ट्रिय विमानस्थलमै आकस्मिक अवतरण गराइएको विमानस्थल प्रमुख प्रताव तिवारीले जानकारी दिए।
बिएचए २५५ नम्बरको बुद्धको उक्त उडान गरेको एटिआर ७२ जहाज बेलुका ६ बजेर ३ मिनेटमा काठमाडौं अवतरण भएको हो।सबै यात्रु सकुशल रहेको तिवारीले जानकारी दिए।
यस्तै उनका अनुसार अर्को बुद्ध एयरको जहाज पनि काठमान्डौमा अवतरण गराईएको छ । नेपालगञ्जका लागि उडेको जहाजमा सवार बिरामी यात्रु अचेत भएपछि जहाज काठमाडौं डाईभर्ट गराइएको तिवारीले जानकारी दिए।
डाक्टरसहितको उक्त बिरामी उडानकै क्रममा फेन्ट भएपछि जहाज काठमाडौंमा डाईभर्ट गराईएको हो तिवारीले भने।
