काठमाडौं- गत २४ घन्टामा नेपालभरीबाट थप ३३२ कोरोना संक्रमित थपिएका छन्। ७ हजार ५९० पीसीआर नमुना परीक्षण गर्दा ३०५ – जना र २३ सय ३० एन्टिजेन परीक्षण गर्दा २७ जना गरि ३३२ जनामा पोजिटिभ देखिएको स्वास्थ्य मन्त्रालयले जनाएको छ।
यो सहित नेपालमा हालसम्म ८ लाख २० हजार ४ जनामा कोरोना संक्रमण देखिएको छ । बुधबार २३२ जना संक्रमणमुक्त भएका छन् । यो सँगै नेपालमा कोरोनाबाट निको हुनेको संख्या ८ लाख १ हजार १२२ पुगेको छ ।
त्यस्तै बुधबार थप ४ जनाको कोरोनाबाट मृत्यु भएको छ यो संगै कोरोनाबाट मृत्यु हुनेको कूल संख्या ११ हजार ५१३ जना पुगेको छ। हाल देशभर सक्रिय संक्रमितको संख्या ७ हजार ३६९ छन् भने ९८ जना क्वारेन्टाइनमा रहेकाछन् ।
