काठमाडौँ – कांग्रेसको १४ औ महाधिवेशनको नेतृत्व चयनको मतदान समय थपिएको निर्वाचन आयोगले जनाएको छ।
यस अघि ९ बजे सम्म समय तोकीएपनि आयोगले राति १० बजे सम्म मतदान समय थपिएको जनाएको छ। बिहान १२ बजे देखि सुरु भएको मतदानमा राति साढे ८ बजेसम्ममा ३६ सय मत खसेको छ।
निर्वाचन समिति सदस्य तेजबहादुर रावलले रातको १० बजे सम्म मतदान सकिने बताए। एक जना महधिवेशन प्रतिनिधिलाई मतदान गर्न झन्डै आधा घण्टा लाग्ने गरेको पाईएको छ।
यसपालि कांग्रेसमा ४७४३ जना महाधिवेशन प्रतिनिधि छन्।सभापति पदमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रतिस्पर्धामा उत्रिएका छन्।
