बैशाख २ ,काठमान्डौ – गएको पछिल्लो २४ घण्टामा थप ५३४ जनामा कोरोना भाइरस (कोभिड–१९) संक्रमण पुष्टि भएको छ । यो संगै अब नेपालमा कोरोना संक्रमितको संख्या २ लाख ८२ हजार ५४ पुगेको छ ।
स्वास्थ्य तथा जनसंख्या मन्त्रालयका अनुसार ३ हजार ५८८ जनाको पीसीआर परीक्षण गर्दा ४९० र ५६४ जनाको एन्टिजेन्ट विधिबाट गरिएको परीक्षणमा ४४ जना गरेर कुल ५३४ जनामा संक्रमण पुष्टि भएको हो ।
२४ घण्टामा १५७ डिस्चार्ज भएका छन् । यो सँगै निको हुनेको संख्या २ लाख ७४ हजार ६०४ पुगेको छ । यो सँगै निको हुनेको संख्या २ लाख ७४ हजार ६०४ पुगेको छ । मन्त्रालयका अनुसार २४ घण्टामा पाँच जनाको मृत्यु भएको छ ।
यो सँगै कोरोनाबाट ज्यान गुमाउनेको संख्या ३ हजार ६६ पुगेको छ । हाल आइसोलेसनमा ४ हजार ३८४ र क्वारेन्टाइनमा ६८ जना रहेका स्वास्थ्य मन्त्रालयले जनाएको हो ।
