फागुन १४ ,काठमान्डौ – बलात्कार आरोपमा जाहेरी परेपछि फरार रहेका नायक पल शाहबारे प्रहरीले फिल्म निर्देशक सुदर्शन थापालाई पक्राउ गरेर सोधपुछ गरिरहेको छ। पल शाह अभिनित चलचित्र ‘म यस्तो गीत गाउँछु-२’ का निर्देशक सुदर्शन थापालाई प्रहरीले सोधपुछ गरिरहेको छ।
पल संग निकट भएको कारणले सोधपुछ चलिरहेको महानगरीय प्रहरी वृत्त बानेश्वरले बताएको छ। थापालाई शनिबार दिउँसो प्राइम टाइम्स टेलिभिजनमा अन्तर्वार्ता दिएलगत्तै प्रहरीले लिएर गएको बताइएको छ। अन्तर्वार्ता सकिएपछि ५/६ जना प्रहरी आएर थापालाई लिएर गएको अर्का निर्देशक नारायण पुरीले बताए। उहाँ प्रहरीमै हुनुहुन्छ, हामी चाहिँ फर्कियौं उनले भने।
थापा उहाँसँग निकट रहेको कारणबाट केही जानकारी लिने प्रयोजनले सोधपुछ गरिएको ह। परिसर प्रमुख एसएसपी सुदीप गिरीले भने। पल शाहविरुद्द गायिका समिक्षा अधिकारिले जबरजस्ती करणीको जाहेरी दिएकी थिइन्। त्यसपछि शाहलाई प्रहरीले खोजिरहेको छ। तनहुँ प्रहरीमा जाहेरी दर्तापछि शाहविरूद्ध पक्राउ पूर्जी जारी भएको छ।
