रामेछाप – रामेछापको दोरम्बा-शैलुङ गाउपालिकाको लेखर्कको बस्तीमा शनिवार मध्यराति पहिरोले घर बगाएको छ।
स्थानीय संगिता पहरीले दिएको जानकारी अनुसार घर बगाउदा नाबालकसहित ११ जना बेपत्ता भएको जनाएको छ । रातको समय भएकाले विस्तृत विवरण आउन बाँकी छ ।
भाद्र ८ गतेको राति करिब ११:४५ बजे दोरम्बा-शैलुङ गाउपालिकाको वडा नं ३ स्थित लेखर्क गाउमा अबिरल बर्षा सँगै आएको पहिरोले करिव ४ घर बगाएको र बिहान ४ बजे सम्म उद्धार टोलि घटना स्थलसम्म नपुगेकोले भौतिक क्षतिको कुनै एकिन बिवरण आएको छैन ।
भारी बर्षा र पहिरोको त्रास : स्थानीय प्राय सबै मध्यरातमा खुल्ला ठाउँमा निस्केर बसेका छन ।
लगातर वर्षा पछि स्थानीय ठाडो-छाङ खोलाको आवाजले पुरै टोकरपुरबासी नै त्रासमा बसेका छन।
