असोज १० ,काठमाडौँ- काठमाडौंको कपनस्थित ढलमा खसेर बेपत्ता भएका बालकको शव ललितपुरको वाग्मती गाउँपालिका-१ घुसेलकाे वाग्मती नदी किनारमा फेला परेको छ ।
५ दिन अगाडी बूढानीलकण्ठ नगरपालिका,१० को सिमानामा रहेको तरकारी बजार नजिकैको ढलमा खसेका १० वर्षीय उज्ज्वल विकको शव किनारमा फेला परेको हो।
प्रहरीले शवको फोटो खिचेको थियो। जसको आधारमा परिवारले बालकको शव पहिचान गरेको महानगरीय प्रहरी प्रभाग कपनकी प्रहरी निरीक्षक भगवती तिमल्सिनाले जानकारी दिइन् ।
बालकको शव पूर्ण रुपमा सडेको अवस्थामा फेला परेको छ। आफन्तलाई बोलाईएको र पाेस्टमार्टमका लागि पाटन अस्पताल ल्याउने तयारी भईरहेको प्रहरीले जनाएको छ।
